Gawe Travel Gobal Gabul, Tendi DIKOYOR Polisi -->

code ads

Gawe Travel Gobal Gabul, Tendi DIKOYOR Polisi

Sunday, January 13, 2019
Kapolres Solotigo AKBP Gatot Hendro Hartono wektu njelasake usaha travel onlen gobal - gabul, ono ing pendopo Polres Solotigo, Minggu Pon (13/01/2019). (Foto: Dok. Istimewa/HRS)

Solotigo, beritaglobal.net - Tendi Surono (27) warga Banjaran RT 04 RW 07, Kelurahan Mangunsari, Kecamatan Sidomukti, Kota Salatiga DIKOYOR polisi amargo lamis lambene. Nggedebus. Deweke odo - odo gawe travel onlen, ning kasunyatane mung gobal - gabul. Mulane kuwi deweke saiki nylekuthur neng pakunjaran Polres Salatiga.

Soko panuturane petugas kepolisian Polres Salatiga, Tendi dikoyor polisi seko laporane Candra Febrianto W (28) wargo Jalan Damar 135 RT 07 RW 07, Kelurahan Tegalrejo, Kecamatan Argomulyo, Kota Salatiga sing wis rumongso kapusan duit 600 ewu repes karo Tendi.

Marang petugas SPK Polres Salaiga, Candra wadul, rikolo dino Kamis pon (03/01/2019) deweke sak anak bojo arep lungan neng Malang, Jawa Timur. Banjur, deweke mbukak situs ‘alsavatravel.com’ sing nawakake jasa travel. Sak wise rembugan ono ing WA, kedadenan rego tumpangane yo iku 600 ewu repes sing dikirim Candra jam 12 awan nganggo ATM neng rekeninge Tandi lan dijanjeni arep dipthuk jam 5 sore.

Nanging, wis dienteni nganti lumuten, jebul sing methuk ora njedul. Keporo, nomer WAne yo malah wis diblokir karo Tendi. Nggonduk pora nek ngono kuwi ? Rumongso keno pokil, banjur Tendi dilaporke neng polisi.

Kapolres Salatiga AKBP Gatot Hendro Hartono sing nompo pelaporane korban banjur golek sisik melik situs alsavatravel lan marani omahe Tendi. Ora nganggo suwe, Tendi banjur DIKOYOR polisi digowo menyang Polres Salatiga.

“Akibat perbuatannya itu, tersangka dijerat Pasal 378 KUHPidana dengan ancaman hukuman empat tahun penjara. Barang bukti yang diamankan petugas masing-masing 2 buah HP merk Nokia dan Oppo, 1 buah ATM Bank BNI, serta 1 lembar bukti transfer ke nomor rekening atas nama Tendi Surono. Himbauan saya kepada masyarakat Salatiga agar berhati-hati dan waspada jika mendapatkan atau membuka situs-situs travel. Sebelum melakukan transaksi lebih baik dicek terlebih dahulu kebenarannya,” pocape Kapolres Salatiga diapit Kasat Reskrim AKP Suharto lan Kasubbag Humas AKP Djoko Lelono. (Agus S/KHM)

Penulis : Agus Subekti
Editor : Khamim

Berita ini pernah terbit di harian7.com Buka Bisnis Travel ‘Abal-Abal’, Warga Banjaran Diringkus Polisi